Tónlist

„Verjum okkur oft með gríni eða trúðslátum gagnvart erfiðum aðstæðum“

Sylvía Rut Sigfúsdóttir skrifar
Pale Moon koma fram á tónleikum 21. janúar næstkomandi.
Pale Moon koma fram á tónleikum 21. janúar næstkomandi. Pale moon

Ötula Indítvíeikið Pale Moon sprettur nú fram með sína nýju smáskífu Clown í dag. Nýja lagið fjallar um hvernig við verjum okkur oft með gríni eða trúðslátum gagnvart erfiðum aðstæðum. Hvernig það er oft auðveldara að djóka en að vera alvörugefin.

Þetta er sjötta lagið sem kemur út af þeirra væntanlegu breiðskífu sem gefin verður út síðar á þessu ári. Sum þeirra laga hafa nú þegar gert það gott á öldum ljósvakans og hafa lögin Stranger, Parachutes og Strange days fengið þó nokkra spilun. 

„Lagið Clown er sérstætt lag fyrir bandið. Þessi tónsmíð er ein sú framsæknasta og tilraunagjarnasta sem þau hafa leyft sér hingað til. Dáleiðandi brotnu gítarhljómarnir í upphafi lags, seyðandi rödd Nata, draumkenndar áferðir og samhljómurinn eru sem vefnaður af hljóðum sem ofin eru saman í hlýtt og notalegt hljóð-teppi,“ segir í tilkynningu frá sveitinni.

Lagið Clown er nú aðgengilegt á öllum helstu streymisveitum og má heyra í spilaranum hér fyrir neðan.

Klippa: Pale Moon - Clown

Notum grínið sem skjöld

„Fyrsta uppkastið af laginu var innblásið af hljómsveitinni Doors en ekki er mikið eftir af þeirriútsetningu fyrir utan, „Riders on the storm“, hljómaganginn í brúnni fyrir viðlag. Restin er gegnsósa af þeim hljóðheimi sem Pale Moon hefur mótað sér. Textalega þá kannar Nata sinn stundum afkáralega persónuleika og hennar leið til að fást við lífið á oft kaldhæðinslegan og/eða gamansaman hátt,“ segir í tilkynningunni. 

„Á stundum finnst mér þægilegra að grínast og vera með trúðslæti frekar en að sýna mikla tilfinningasemi eða mína réttu hlið. Segja má að lagið fjalli um hvernig við notum oft grín sem skjöld í „alvarlegum” aðstæðum,” segir Nata kímin.

Natalia Sushchenko og Árni Guðjónsson mynda Pale Moon.pale moon

„Pale Moon samanstendur af tveim manneskjum. Manneskja A heitir Natalia Sushchenko og er fædd og uppalin í litlum námubæ í miðri Síberíu. Hún hittir manneskju B, Árna Guðjónsson Garðbæing, á Spáni og Pale Moon verður til. Ljóðskáld í hjarta sér, Nata umbreytir upplifunum sínum í texta og laglínur á meðan Árni umbreytir skáldskapnum í tónlist. Af dálæti þeirra af tónlist úr „Sjöunni” og hljóðheim indí hljómsveita okkar tíma, þróa þau sinn stíl í afar fauelsmjúka og notalega átt, þar sem hljóðfæraleikur á áþreifanleg hljóðfæri fær uppreist æru.“

pale moon

Pale Moon er ein þeirra íslensku hljómsveita sem mun flytja tónlist sína á ESNS Showcase festival 2022. Pale Moon áttu að stíga á stokk í Gröningen, Hollandi á Júrósónik tónlistarhátíðinni núna í janúar en vegna heimsfaraldurs þá var hátíðin færð á netið alfarið. Fyrir þá sem hafa áhuga þá mun Pale Moon stíga á netstokk föstudaginn 21 .janúar næstkomandi klukkan 21:00 á rás ESNS 02 sem verður aðgengileg á síðu hátíðarinnar esns.nl


Tengdar fréttir

Bestu íslensku lög ársins að mati Óla Dóra

Í árslistaþáttum Straums á X-977 verður farið gaumgæfilega yfir tónlistarárið 2021. Fyrir viku taldi Óli Dóri umsjónarmaður útvarpsþáttarins niður bestu erlendu lög ársins 2021. Í þessari viku fer hann svo yfir íslensku lögin.

Pale Moon gefur út hjá AU! Records á Spáni

Hljómsveitin Pale Moon var að senda frá sér lagið Parachutes. Lagið er upplífgandi en á sama tíma pínu sljóvgandi. Pale Moon var að skrifa undir samning við AU! Records á Spáni þar sem þau búa og er ný plata væntanleg í haust.

Pale Moon í beinni á Albumm Instagram

Íslensk/rússneska tvíeykið Pale Moon er skipað þeim Árna Guðjónssyni og Nataliu Sushchenko. Sveitin verður með tónleika í laugardaginn 20. febrúar klukkan 20 í beinni útsendingu á Instagram reikningi Albumm.is.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.