Fótbolti

Marokkó á­fram á sigur­braut, Malaví komið á blað og sterkt stig hjá Gabon

Runólfur Trausti Þórhallsson skrifar
Salim Ben Boina var frábær í marki Marokkó í dag.
Salim Ben Boina var frábær í marki Marokkó í dag. Ulrik Pedersen/Getty Images

Eftir markalausan fyrsta leik á Afríkukeppninni í dag var sannkölluð markaveisla í leikjunum sem fylgdu í kjölfarið.

Malaví lagði Zimbabwe 2-1 þökk sé tvennu Gabadinho Mhango, eitt í fyrri hálfleik og annað í þeim síðari. Ishmael Wadi skoraði mark Zimbabwe. Malaví er nú með þrjú stig, aðeins stigi minna en Senegal og Gínea sem eru á toppi B-riðils.

Marokkó vann 2-0 sigur á Comoros. Selim Amallah og Zakaria Aboukhlal með mörkin. Ekki kom að sök að Youssef En Nesyri brenndi af vítaspyrnu í stöðunni 1-0. Marokkó hefur nú unnið báða leiki sína til þessa og er svo gott sem komið upp úr C-riðli.

Þá gerðu Gabon og Ghana 1-1 jafntefli. Andre Ayew kom Ghana yfir á 18. mínútu en Gabon jafnaði metin á 85. mínutu, Jim Allevinah þar að verki. Athygli vakti að Pierre-Emerick Aubameyang, leikmaður Arsenal, var ekki í leikmannahóp Gabon.

Gabon er í 2. sæti C-riðils með fjögur stig, Ghana eitt og Comoros án stiga.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.